MATCH PREVIEW : DYNAMO KYIV vs CHELSEA FC

14-03-2019 16:03

Chelsea chuan zanin India ram sana 11:30 hian Ukraine club lian Dynamo Kyiv(Kiev) an luh chilh dawn a, Ten 2/HD channel in inkhel hi live-in an pe chhuak ang.

Chelsea hian firat leg ah 3-0 ngawtin Dynamo Kyiv hi an hneh a, inringtawk takin Ukaraine khawpui an pan a, mahse Maurizio Sarri chuan Kiev pitch sawiselin hei hian chesual thei a nih zia a tarlang chiang hlé a, Quarter final thleng turin inthlahdah a thiang lo vang.

Mual neitu lam :
_Kum 1927 a din Ukraine Premier League ah vawi 15 zet champion tawh leh tun dinhmuna pahnihna ni mék Dynamo Kiev hian league lamah chuan beisei tur an nei châu tawh hlè a, hmahruai mektu Shakthar Donestk chu point 7 laiin an phâk lo va game 3 chiah khelh tur an nei tawh a ni. Chuvang chuan Europa league lamah hian theih tawp chhuahin an insawrbing ngei ang.

Dynamo Kyiv hian round of 32 ah Olympiacos hnehin tun hnaia an game 7 ah khelhah vawi hnih chiah an chak lo.

Club top scorer Benjamin Verbic hian goal 11 khung tawhin Europa League ah goal 3 a khung a, hrem avangin kar hmasa khel thei lo mah se zaninah hian a inlan ve thei tawh ang. Winger Tsygankov hian goal 11 a khung tawh a, midfielder Mykola Shaparenko hian goal 8 khung tawhin player pawimawh an ni. Striker goal thun thei tak an nei lo ve tho erawh Europa League goal 13 chauh la thun manager Khatskevich buaina tak a ni.

Mikhual Chelsea ve hi? :

Season duhawm taka kan țan hnuah mangchhiain min nang chho a, tun hnai game hnih(2) ah London berby ah hnehna chang ve ve-in top four awm turin inrintawkna min neih tir leh a, mahse kar liam ta khân kan mualah Wolves draw hrâmin beiseina a mit lek lek!.

Chelsea hian game hnuhnung pasarihah vawi hnih lâi chak lo mah se Europa League game hnuhnung 12 ah vawi 11 lai an chak thung. Round of 32 ah harsa lem lo takin Malmo FF an hneh a, Europa League champion tura beiseiawm zinga mi kan ni. Europa League ah goal 20 an khung tawh a ni.

Chelsea striker Olivier Giroud hian Europa ah goal 6 lai khung tawhin top scorer goal khat chiahin a phak lo. Willian hian assist vawi 5 nei tawhin rawlthar Hudson Odoi goal 4 leh Loftus Cheek an goal 3 a thawk chhuak tawh a, Europa League lamah an țangkai hlé.

Sulhnu:
Chelsea leh Dynamo Kyiv hi UEFA Champions League ah kum 2015 khan vawi hnih inkhel tawhin Chelsea hian home ah 2-1 an hneh hmangin belhkhawmah an chak a, kar hmasa first leg tih loh ah hei bâk hi inkhelh an la nei lo.

Tute nge khel ang?
Maurizio Sarri hian damlohna avângin Gonzalo Higuain a hruai tel lo va, goal thum(3) nei tawh sa mah se thlamuang takin mikhualna hmunah an inkhel thei lo vang.

Sarri hian stage sâng a nih avang leh Kyiv ramah chetsual a awl avangin a fimkhur lehzual dawn a, Hudson Odoi leh Loftus Cheek hi dah ve chhin mah ila a khelhtir leh kher lo maithei a ni.

Chelsea xi: Caballero/Alonso, Christensen, Rudiger, Zappacosta/Loftus Cheek, Jorginho,Kovacic/Hudson Odoi, Giroud, Pedro.

Dynamo Kiev hian Stamford Bridge ah beiseina sâng tak nei mah se goal thum ngawt an chhuah a, Ukraine ramah home advantage neiin beiseina sâng tak nen Chelsea mikhual a, goal thun hmasak an tum ngei ngei ang._

Kiev xi: Boyko/Mykolenko, Shabanov, Burda, Kedziora/Sydorchuk,Harmash/Sidcley, Shaparenko, Tsygankov/Verbic.

Chelsea tana cup beiseiawm chhun Europa League champion turin Dynamo Kyiv lakah hi fiahna hmasa an paltlang tawh a, Ukraine khawpuiah goal thum(3) nei sa-in chetsual a thiang lo ang.

Inkhel en nuam vek u lê.

Read more...